ILUNGELO LOKUFIKELELA KWINCWADANA YOLWAZI
Le ncwadana ilungiswe ngokunxulumene necandelo 14 loKhuthazo leLungelo kuMthetho woLwazi wama-2000 ("uMthetho"). Iqulathe ulwazi nge-SAMSA kwanendlela yokwenza isicelo sokufikelela kwiingxelo zayo ezigciniweyo.
ISAKHIWO NEMISEBENZI YETHU
UMthetho waseMzantsi Afrika weGunya loKhuselo lwaseLwandle wesi-5 wowe-1998 waseka i-SAMSA ngomhla woku-1 ku-Epreli 1998. Sinoxanduva kuMphathiswa wezoThutho, owonyula iBhodi kwaye amkele nesicwangciso sethu sonyaka soshishino. IBhodi ikhetha iGosa loLawulo eliyiNtloko (i-CEO) elinoxanduva lolawulo lombutho ngokubanzi.
Igqiza lethu lolawulo lineGosa loLawulo eliyiNtloko nabaLawuli abane abanoxanduva lwezigqeba ezine zombutho ezi zezi; imisebenzi; imigangatho; imithombo yoluntu nezemali, ulwazi lobuchwepheshe (i-IT) nokuphatha. Undlunkulu wethu usePitoli apho iGosa loLawulo eliyiNtloko likhoyo kwanamacandelo emithombo yoluntu angala ezemali, ulwazi lobuchwepheshe (i-IT) nokuphatha akwalapho. Icandelo lemisebenzi liseKapa ; linee-ofisi zohlolo lwaselwandle e-Richards Bay, eThekwini, eMonti, eBhayi, e-Mossel Bay eKapa naseSaldanha. Icandelo lemigangatho liseThekwini.
Iinjongo zethu kukuqinisekisa ukhuselo lobomi nezinto eziselwandle, ukuthintela nokuphelisa ungcoliseko, kwanokukhuthaza umdla weRiphabhlikhi kwizinto zaselwandle. Ekuphumeleliseni ezi njongo, sinomsebenzi wolawulo lweminye imimiselo yaselwandle equka le ilandelayo:
UMthetho woThutho lwaseLwandle wesi-2 wowe- 1981
UMthetho woNgcoliseko lwaseLwandle (Ulawulo neMfanelo yoLuntu) uMthetho wesi-6 wowe-1981
UMthetho woNgcoliseko lwaseLwandle wesi-2 wowe-1986 (Uthintelo loNgcoliseko kwiiNqanawa) uMthetho wesi-2 wowe-1986
UMthetho woKwaphuka noKusindisa kwilahleko wama-94 wowe-1996
Imizekelo ecacileyo yemisebenzi yethu iquka ; ubhaliso nokunikwa kweelayisenisi kweenqanawa; ukuhlolwa nokunikwa kweziqinisekiso kweenqanawa uqeqesho lokuhamba elwandle nokunikwa kweziqinisekiso; uthintelo longcoliseko nokusabela.
INombolo yomNxeba: +27 12 342 3049
Ifeksi: +27 12 342 3160
ISIKHOKELO ESISESIKWENI NGENDLELA YOKUSEBENZISA UMTHETHO
Icandelo le-10 loMthetho lifuna iKhomishini yaseMzantsi Afrika yamaLungelo oluNtu (I-SAHRC) ipapashe iSikhokelo esiqulethe ulwazi olunokufunwa ngumntu onqwenela ukusebenzisa okanye ukukhusela naliphi ilungelo ngokwemigqaliselo yoMthetho. Isikhokelo siya kuqulatha olu lwazi lulandelayo:
Iinjongo zoMthetho;
Iinkcukacha zegosa lolwazi leqela likawonke-wonke ;
Iinkcukacha zeqela langasese, apho inokwenzeka khona loo nto;
Indlela nefomu yesicelo sokufumana ulwazi olugcinwe liqela;
Uncedo oluvela kumagosa olwazi neKhomishini yaMalungelo oLuntu ngokwemigqaliselo yoMthetho;
Zonke iindlela zokuncedisa emthethweni ngokubhekiselele kwimithetho, izishiyelelo, amalungelo nemisebenzi kuqukwa nendlela yokufaka isibheno sangaphakathi nokwenza isicelo senkundla;
Iishedyuli zemirhumo emayihlawulwe ngokunxulumene nezicelo zokufumana ulwazi;
Imimiselo eyenziwe ngokwemigqaliselo yoMthetho.
INombolo yomNxeba: +27 11 484 8300
Ifeksi: +27 11 484 0582
IINGXELO EZIGCINIWEYO ZETHU
Ngezantsi apha luludwe lweengongoma esineengxelo zazo kwanezintlu zeengxelo ezigciniweyo phantsi kwengongoma nganye:
UWISO-MTHETHO
Umgaqo-nkqubo
Imibuzo yemisebenzi yesiqhelo
Uqulunqo nolungiso
Ukutolika nezimvo zasemthethweni
UMBUTHO NOLAWULO
Ukunikezela igunya
Ukugcinwa kweengxelo
Izimemo ezifunyenweyo zokundwendwela/ zokudibana namanye amazwe/imibutho abantu abanokuba ngabaxumi nowonke-wonke
ISO 9000 (Umbutho weMigangatho weLizwe jikelele)
Iqumrhu i-SAMSA nonxibelelwano nowonke-wonke
Imibuzo ngemisebenzi yesiqhelo
Amaphulo
Imiboniso (Ekazwelonke neyeLizwe jikelele)
Imipapasho yequmrhu
Izinto ekukhuthazwa ukuba zaziwe
Ukuhlawulelwa
Ulwabiwo-mali
Iintetho
Uxanduva lwasentlalweni
Iingxelo zonyaka
Amaphetshana athunyelwayo nemipapasho
Isazisi sequmrhu
IMITHOMBO YOLUNTU
Imigaqo-nkqubo neenkqubo
Imivuzo nezibonelelo
Iimali zokufunda neebhasari
Iingxowa-mali zomhlala-phantsi nezezibonelelo
Ikomiti yoLawulo lweNgxowa-mali yoMhlala-phantsi
Iimfuneko zezakhono
Uqeqesho
Ukuhlelwa komsebenzi
Ucwangciso lwendlela yobuchule
Ukwakha ngokutsha
Ukwenza izicelo, ukuqeshwa nokuhamba-hamba
Iimeko zenkonzo yengqesho nezibonelelo
Ulawulo lwendlela yokusebenza
Imvisiswano kwezomsebenzi
Ulingano kwingqesho
Ucwangciso lwemithombo
Ubulungu kwimibutho yomsebenzi
Ezempilo nokhuseleko emsebenzini
Imibandela yasentlalweni
Amabhaso enkonzo ende emsebenzini
Umsebenzi olungiselelweyo
Iimali zemboleko neentlawulo zaphambi kwexesha zabasebenzi
Amalungu angawemanyano yorhwebo nalawo angengomalungu emanyano
EZEMALI
Ulwabiwo-mali
Ucalulo-mali (ezemali nolawulo)
Uphicotho-ncwadi zemali
Izivumelwano
Ukurhafisa
Inkcitho yemali eyinkunzi
Iingxelo zonyaka zemali
Imali esesandleni
Abanamatyala nabo unetyala kubo
Ukuqokelelwa kwerhafu
I-inshorensi
ULWAZI LOBUCHWEPHESHE
Izivumelwano
Imbalelwano
Idesika yoncedo
Ukuthengwa kwempahla karhulumente
Umxokelelwano wolawulo lolwazi
Isiseko-nkcazo
Ukuvusa kwakhona oko bekonakele
Izixhobo ezenza ikhompyutha ozibona ngamehlo (ihadiwe)
Iinkqubo nemigangatho
Uphando
Ukhuseleko
Umxokelelwano wamaxwebhu
Ukudibanisa nomsebenzisi
ULAWULO LWEENKCUKACHA ZOMSEBENZI
Ukuthengwa kwempahla karhulumente namaxabiso omsebenzi ofuna ukwenziwa
Ulawulo lwelungelo lofikelelo
Ukushicilelwa kweefomu/kwemipapasho
Izivumelwano zokuqeshisa nezivumelwano zokuthenga ngezavenge
Uthutho nokuhamba (ngaphakathi nakwilizwe jikelele)
IIKHOMISHINI, IIKOMITI, IINDIBANO ZENGXOXO IIBHODI NAMAGQIZA OKUSEBENZA
Iikomiti
Iindibano zengxoxo
Amagqiza okusebenza
Iinkomfa
INTSEBENZISWANO NAMANYE AMAZIKO
Amasebe karhulumente
Imibutho engeyokarhulumente
Amaziko elizwe jikelele
Amaziko aselwandle
IMISEBENZI
Uqeqesho nokunikwa kweziqinisekiso koomatiloshe
Amaphulo eHIV/uGawulayo
Ukhuseleko lobomi nempahla elwandle
Ukusebenza, ukukhululwa, ukuhlawulwa, ukubuyiselwa elizweni lakhe nempatho ngokubanzi nentlalo-ntle yoomatiloshe
Iingozi zothutho ngenqanawa nemibuzo
Amatyala , amagatya esohlwayo nenkqubo yasemthethweni
UNGCOLISEKO
Amatyala , amagatya esohlwayo nenkqubo yasemthethweni
INKQUBO YOKUCELA UKUFUMANA EZI NGXELO ZIGCINIWEYO ZINGENTLA
Ukuba ufuna ukwenza isicelo sokufumana ingxelo egciniweyo ekwenye yezi zintlu zingentla zeengxelo ezigciniweyo, kufuneka uzalise ifomu yezicelo ekwisihlomelo sale ncwadana (kodwa jonga kwiCandelo lesi-7 lale ncwadana). Iifomu zingafunyanwa:
Kumagosa ethu olwazi( iinkcukacha zawo zoqhakamshelwano zikwicandelo lesi-2 lale ncwadana)
Kufuneka ungenise ifomu ezalisiweyo kunye nomrhumo wesicelo nediphozithi (ukuba kufuneka njalo) kwigosa lethu lolwazi kwidilesi yeposi, kwinombolo yefeksi okanye kwidilesi ye-e-mail ebhalwe kwicandelo lesi-2 lale ncwadana. Ifomu ezalisiweyo kufuneka ibe neenkcukacha ezaneleyo ukwenzela ukuba igosa lethu lolwazi likwazi ukuphawula:
Ukuba ungubani(ukuzazisa) ;
Yeyiphi ifomu yelungelo lofikelelo oyinqwenelayo; &
Idilesi yakho yeposi okanye inombolo yefeksi
Ukuba esi sicelo usenzela umntu othile, kufuneka ungenise ubungqina obanelisayo obubonisa ukuba usenza ngabuni na isicelo eso.
Kubalulekile ukuqaphela ukuba ukufumana ingxelo ayiyonto nje eyenzeka ngokulula kwaye kuya kufunwa ukuba uthobele zonke iimfuno zoMthetho ezihambelana nesicelo eso sakho. Uya kwaziswa ngendlela leyo exelwe nguwe kwifomu yesicelo ukuba ingaba isicelo sakho sivunyiwe okanye sikhatyiwe na.
Nabani na angasenza isicelo somlomo xa engakwazi ukufunda okanye ukubhala okanye enokulimala okumthintelayo okwenza angabinakho ukuzalisa ifomu. Kwiimeko ezinjalo igosa lethu lolwazi liya kuzalisa ifomu yesicelo kwaye linike olo ncedo lufunekayo.
IMIRHUMO
UMthetho ubalula iindidi ezimbini zemirhumo, ezi zezi:
Umrhumo wesicelo,ngumrhumo olinganayo obekiweyo;
Umrhumo welungelo lokufumana ubalwa wona ngokujonga iindleko zokuvelisa ezi ngxelo kwakhona , uphando, ixesha lolungiselelo neendleko zokuposa.
Le mirhumo imiselwe kwimimiselo eyenziwe phantsi koMthetho (jonga kwiSaziso sikaRhulumente No.R 187 sikaFebhruwari 2002).
Le mirhumo imiselwe ngokwemimiselo eyenziwe phantsi koMthetho jonga- Xa igosa lethu lolwazi lifumana isicelo sakho sokufumana iingxelo ezibhaliweyo, liya kuthi ngesaziso lifune wena ukuba ayisosakho esi sicelo uhlawule umrhumo wesicelo omiselweyo phambi kokuba kuqhutyelwe phambili nesicelo. Ukongeza koku, ukuba isicelo sakho sivunyiwe, uya kwaziswa ukuba uhlawule umrhumo welungelo lofikelelo: lo mrhumo uquka uphando, ukwenziwa kweekopi nokulungiswa nexesha elifunekayo ngaphezulu kwezi yure zimiselweyo ukuze kuphandwe kwaye kulungiswe le ngxelo ukuba idizwe, kuqukwa namalungiselelo okokuba ikhutshwe ngokwendlela oyifuna ngayo. Kwezinye iimeko ezithile kusenokufunwa uhlawule idiphozithi phambi kokuba kunikwe ilungelo lokufikelela; le diphozithi yinxalenye yomrhumo wokufumana ingxelo kwaye ukuba isicelo sikhatyiwe iya kubuyiswa.
ULWAZI OLUFUMANEKA NJE NGOKULULA
Ezi zintlu zilandelayo zeengxelo ezigciniweyo zifumaneka ngokulula ukuba umntu azihlole, azithenge okanye enze iikopi okanye azifumane simahla. Oku kuthetha ukuba akukho mfuneko yokuba olu lwazi ulucele ngokwemigqaliselo yoKhuthazo leLungelo lokufikelela kuMthetho woLwazi:
Izaziso zaselwandle
Iingxelo zonyaka
Amaphetshana/iibhrowutsha/ iipowusta zengcebiso nezokwazisa
Olunye uncwadi omalujongwe nguwonke-wonke
IINKONZO ZETHU
Sinika iinkonzo kuwonke-wonke ngokuhambiselana neenjongo zethu kwanoxanduva olungummiselo. Ezi nkonzo ziquka:
Ukusabela kwingozi nophando
Uhlolo lwenqanawa nokunika isiqinisekiso
Uqeqesho lukamatiloshe nokunika isiqinisekiso
Ubhaliso lwenqanawa nokunikwa kwelayisenisi
Uhlolo lweempahla eziyingozi
Imibuzo ngezi nangezinye iinkonzo ingenziwa kwezi ofisi zilandelayo ze-SAMSA:
INombolo yomNxeba: +27 12 342 3049
Ifeksi: +27 12 342 3160
SAMSA eThekwini
INombolo yomNxeba: +27 31 307 1501
Ifeksi: +27 31 306 4983
INombolo yomNxeba: +27 21 421 6170
Ifeksi: +27 21 419 0730
INombolo yomNxeba: +27 35 788 0068/82
Ifeksi: +27 35 788 0067
INombolo yomNxeba: +27 22 714 1612
Ifeksi: +27 22 714 3635
INombolo yomNxeba: +27 43 722 4120
Ifeksi: +27 43 722 2264
INombolo yomNxeba: +27 44 690 4201
Ifeksi: +27 44 691 1206
INombolo yomNxeba: +27 41 585 0051/3
Ifeksi: +27 41 582 1213
Asinawo amalungiselelo othatho-nxaxheba lukawonke-wonke asisigxina avumela amalungu kawonke-wonke ukuba abenefuthe ekwenziweni komgaqo-nkqubo okanye ekwenziweni kwemisebenzi yi-SAMSA. Phofu ke, icandelole-11 loMthetho wesi-5 waseMzantsi Afrika weGunya loKhuselo lwaseLwandle wowe- 1998 ufuna i-SAMSA xa isenza imisebenzi yayo ukuba isebenzisane namaqela achaphazelekayo apho kufuneka njalo. Sikwenza oku ngeendlela ngeendlela, umzekelo ngokulandela isaziso esifanelekileyo neenkqubo zokwenza amagqabantshinsthi kwimeko yowiso-mthetho olucetywayo. Ukuba ubani unezimvo ngombandela othile, wamkelekile ukuba aqhakamshelane nondlunkulu wethu okanye nayo nayiphi na i-ofisi yengingqi.
IINDLELA ZONCEDO
Iindlela zoncedo zangaphakathi
Asinayo inkqubo yesibheno yangaphakathi. Oku kuthetha ukuba, ukuba igosa lethu lolwazi liyasikhaba isicelo sakho kwaye ukhathazekile sesi sigqibo kwakufuneka ubhenele kwindlela yoncedo yangaphandle.
Iindlela zoncedo zangaphandle
Ukuba ukhathazekile kukukhatywa kwesicelo sakho ligosa lethu lolwazi, ungathi, kwithuba leentsuku ezingama-30 wenze isicelo kwiNkundla. Iqela lesithathu nalo elikhathazwe kukukhatywa kwesicelo ligosa lethu lolwazi, lingenza njalo. Ngokweenjongo zalo Mthetho, iiNkundla ezinolawulo kwezi zicelo yiNkundla yoMgaqo-siseko, iNkundla ePhakamileyo okanye enye inkundla ekwisikhundla esifanayo nesezi nkundla.
UKUFUMANEKA KWENCWADANA
